EIARResearch Knowledge bankDigitizing agricultural Research Service

ኑግ ወደ መድረሻው አካባቢ በጣም ስለሚረግፍ ከሌሎች ሰብሎች በበለጠ ከፍተኛ ጥንቃቄ ያሻዋል፡፡ ከደረሰ በኋላ በመስክ ላይ ብዙ ጊዜ ከቆየ ዘሩ ረግፎ ከፍተኛ ኪሳራ ሊያስከትል ይችላል፡፡ ስለሆነም የሰብሉን ትክክለኛ የአጨዳ ወቅት መጠበቅ ከሰብሉ የሚገኘውን ምርት እንዳይቀንስ ይረዳል፡፡ ኑግ 50 በመቶ አበባው ከረገፈ ከሶስት ሣምንት  በኋላ እና የተክሉ የላይኛው ቅጠል ከአረንጓዴነት ወደ ቢጫነት ፣ የታችኛው ቅጠል ደግሞ ወደ ቡናማነት ሲለወጥ ቢታጨድ ለምርትም ሆነ ለዘይት ይዘቱ ከፍተኛ ጠቀሜታ አለው፡፡ በአጨዳ ወቅት ከግንዱ ዝቅ አድርጎ በማጭድ ይቆረጥና ዘሩ እንዳይረግፍ በጥንቃቄ ተይዞ  ወደ መውቂያው ቦታ  መወሰድ ይኖርበታል፡፡

ውቂያና ክምችት

ኑግ ከመወቃቱ በፊት በአውድማ ላይ የዘር እርጥበቱ 10 በመቶ  እስኪደርስ ድረስ መድረቅ ይኖርበታል፡፡ በአውድማ ላይ በዱላ  ወይም በበሬ መውቃት ይቻላል፤ በትራከተር ወይም በመውቂያ ማሽን ሊወቃም ይችላል፡፡ ኑግ ከተወቃ በኋላ የዘር እርጥበቱ ከ8 በመቶ  በታች ሲሆን ንፀህ፣ ደረቅና ነፋሻ በሆነ ማከማቻ ወይም ጎተራ ውስጥ ማስቀመጥ ያስፈልጋል፡፡

የተሻሻሉ ዝርያዎች

የኑግን ምርታማነት ለመጨመር በተደረጉ ሙከራዎች እስከአሁን አምስት ዝርያዎች ለተጠቃሚው ተለቀዋል፡፡ ከነዚህ ውስጥ አንዱ ብቻ ከምርት ውጭ ሲሆን አራቱ በምርት ላይ ይገኛሉ፡፡ በምርት ላይ የሚገኙ የኑግ የዝያዎች ዝርዝርና ባህሪያት በሰንጠረዡ ተመልክቷል፡፡

ሰንጠረዝ 1 በምርት ላይ ያሉ የተሻሻሉ የኑግ ዝርያዎችና የአግሮኖሚ ባህሪያቸው